Nag-alma si Colombian President Gustavo Petro kan Miyerkules (oras sa Colombia) na an huring bangkang tinamaan kan U.S. military sa Caribbean Sea an gikan sa Colombia asin igwang mga Colombian na lunad.
Kinumpirmar man kan sarong U.S. official na pamilyar sa insidente na saro sa mga tinarget na bangka an pinagtutubodang Colombian.
Siring man, inapod kan White House an pahayag ni Petro na “baseless” an mga alegasyon asin pighurot na nagtitinir na importanteng kaalyado an Colombia.
An akusasyon ni Petro an posibleng mapahigot kan kritisismo kontra ki U.S. President Donald Trump, na enot nang inakusaran kan nagkapirang senador sa Estados Unidos na pigbubugtak soboot sa peligro ni Trump an nasyon sa paglunsar kaini nin mas mahewas na giyera sa rehiyon.
Kasuarin sana, kinumpirmar ni Defense Secretary Pete Hegseth na sinugo kaining atakihon kan mga tropa kan Amerika an sarong bangkang igwang kargang droga sa international waters harani sa Venezuela kan nakalihis na Oktubre 3, na ikinagadan kan apat na katawo.
Mayo na man itinaong detalyes an US dapit sa mga nagadan, kun anong klase kan droga an dara, o kun saen eksaktong mapasiring an bangka sarong post sa X (dating twitter), sinaysay pa ni Petro na “Indications show that the last boat bombed was Colombian with Colombian citizens inside it… There is no war against smuggling; there is a war for oil and it must be stopped by the world.”
Maduon an na pinahimutikan kan White House an alegasyon asin pig-enkaminar si Petro na bawion an saiyang pahayag tanganing maibweltada an marhay na koneksiyon sa tahaw kan duwang nasyon.
Mientrastanto, nagporbar sinda Democratic Senators Adam Schiff asin Tim Kaine na ipasar an sarong resolusyon na mapugol sa mga masunod na air strike kan US Military na pig-aapod na “illegal” asin dae otorisado kan Kongreso.
Nabigo an resolusyon makalihis na makakua nin botong 48-51 gikan sa Senado kan Estados Unidos.
