Matapang na pighamon ni Colombian President Gustavo Petro si US President Donald Trump nin “come and get me” makalihis pagbantaan ini kan US President na posibleng isunod makalihis an pag-atake sa Venezuela na nagresulta sa pagkakaarestar ni Venezuelan President Nicolas Maduro asin First lady Cilia Flores.
Pigtawan duon ni Petro na dae ini pagbantaan huli ta hahalaton kaini an mga kasunod na pahiwatig ni Trump na posibleng military action sa Colombia.
Pig-akusaran kaya ni Trump an Colombian President na sangkot sa soboot parehong narco-terrorism na pigsunad na kaso ki Maduro asin igwang pabrika kan Cocaine, alegasyong pigsayumahan man ni Petro komo basehan.
Nagbanta man an Colombian President ki Trump na nakapreparar ini sa liwat na pagkapot nin armas para sa saindang nasyon. Naenot na kayang nagpromisa an Colombian President, na miyembro kan makakaliwang M-19 guerilla group, na dae na ini makapot pa nin armas.
Sa ibong kaini, preparado soboot an Colombian president na makipaghilingan nin harap-harapan ki Trump nin base sa “intelligence” asin pigsabihan an an US President na iuntok an pagdangog sa kautikan kan Colombian political mafias.
Sa huri, pigsabihan ni Petro an Trump administration na sarong commander kan taumbayan an saindang kinakahampang asin pigtawan duon an habambuhay na pagpapalaya sa Colombia!
