NAGA CITY – Nakapagrehistro na nin labi sa 200 na indibidwal an Comelec Buhi sa nagpapadagos na voters registrastion.
Sa entrevista kan Bombo Radyo Naga ki Perfecto Llanza Jr. Election Officer IV, Comelec Buhi sinaysay kaini na an nasambitan ng numero kan indibidwal na nagprehistro maikokonsederar na matumal huli ta ini poon pa kan Oktubre hasta ngunyan na Disyembre sa presenteng taon.
An mga nagkapirang rason huli sa naglihis na bagyo asin dakol sa barangay kan Buhi an maluya an signal asin dae bastante an suplay kan kuryente.
Komo lakdang, nagre-reach out man an opisyal sa mga Kapitan kan kada barangay asin nagpromesa man an mga ini na sunod na taon madoble time sa pagkundusir kan satelite registration.
An total registrants voters sa nasambitan na banwaan pigkakarkulong nasa 55,581 alagad puon kan Oktubre hasta sa ngunyan igwa pa sana nin labi sa 200 an aplikante.Piglalaoman man ni Llanza Jr. na pag last hour kan pagregister madagsa an mga aplikante.
