NAGA CITY- Padagos an pa-enkaminar kan Comelec Camaligan sa mga residente kan saindang lugar na magrehistro sa nagpapadagos na Voter’s Registration para sa ikukundusir na Barangay asin Sangguniang Kabataan elections sa masunod na taon.
Sa entrevista kan Bombo Radyo Naga ki Cielito M. Ramos, Election Officer kan Camaligan, Camarines Sur, sinaysay kaini na an saindang opisina bukas puon alas 8 nin aga hasta alas nin 5 nin hapon aldaw nin Lunes hasta Biyernes.
Sigun ki Ramos, apwera sa New Voter Registration, kabali man sa saindang pigtatangrong serbisyo iyo an Transfer of Registration, Reactivation / Correction of Entries asin iba pa.
Apwera digde, an saindang opisina igwang designated na satellitee registration na isasagibo sa kada barangay mantang para man sa mga sararadit na Barangay igwang naka-schedule na aldaw asin isasagibo ini sa Camaligan River Park.
Mientrastanto, nagpakol naman sa 20 an aplikante kan saindang opisina puon kan nakalihis na October 20 hasta kasuudma, October 22, 2025.
Sa ngunyan, sa mga mawot na mag-avail kan nasambitan ng registration kaipuhan sana na magdara nin valid ID asin iba pang dokumentos.
