Preparado na an Commission on Elections (Comelec)-Caramoan sa pagkundisir nin Sworn Declaration on Conflict of Interest bilang requirement sa mga kandidato sa Barangay asin Sangguniang Kabataan Elections (BSKE) 2026.
Sa intrevista kan Bombo Radyo Naga ki Dennis Gomez, Election Officer III ng Comelec-Caramoan, ipig esplikar kaini na an naturang hakbang ay nagpoon sa suhestiyon kan Office of the Ombudsman asin nag agi sa konsultasyon bago inaprubahan kan Comelec kan Hulyo 24, 2026.
Layunin kan deklarasyon na masiguro an katapatan asin transparency kan mga madalagan na sa halalan, kabali na an mga public official hasta sa antas-barangay, asin maiwasan man an anumang posibleng conflict of interest.
Nilinaw naman ni Gomez na ang Sworn Declaration on Conflict of Interest ay requirement lamang asin bakong kwalipikasyon tanganing madalagan sa halalan.
Ibig sabihon, dawa dae pa makapagpasa o makapagpirma nin naturang deklarasyon sa oras nin pagsusunad, posible pa man tanggapon kan Comelec an Certificate of Candidacy (COC) kan sarong kandidato.
Siring man, inaasahang magigin parte ini nin mga kinakaipuhang dokumento na kaipuhang tugunan kan mga kandidato alinsunod sa mga itinakdang polisiya kan Comelec para sa BSKE 2026.
