NAGA CITY-Makundusir an Comelec Gainza nin satelite registration sa mga masunod na bulan tangani maabot an target na 2,000 na bagong Botante.
Sa entrevista kan Bombo Radyo Naga ki Frances Mae B. Bolalin- Election Officer, Comelec Gainza, sinaysay kaini na may kabilugang 126 na mga registransts an mga bagong botante na, na kun saen kan nakalihis na Nobyenbre 18 kan magkundusir sinda nin Special satelite registration sa Gainza National High School na kun saen nakapagparehistro man sinda nin mga joven nag eedad 15-17 anyos.
Sigun ki Bolalin nahilingan nin didikit na mga nagpaparehistro orog na kun sa saindnag opisina sana sinda nagkukundusir.
Kaya man nagpaplano an saindnag opisina na magpadagos pa sa pagpapartehistro sa masurunod pang registration hasta sa nakatalaang petsa sa bulan nin Mayo sa masunod na taon.
Dugang pa kan opisyal, nag aako pa sinda nin Application for transfer gikan sa ibang banwaan, Reactivation, Change or Correction kan mga stutus kan mga rtecords asin an Transfer form post to Local na may mga record overseas.
Saro sa nahihiling ninda na challenge iyo an kawaran nin valid IDs kan mga registrants orog na ta sa presente dae naman sinda nag aako nin Brgy Certificate huli ta mayo na man ini sa pinaluwas na resolusyon kan Comelec.
Katakod kaini, pwedeng gamiton an NBI Clearance komo alternatibong karibay sa mga governemnt IDs kun mayo an sarong registrant. Sa ngunyan, pigtawan duon pa ni Bolalin na puspusan an saindang ikukundusir na satelite registration sa bulan nin enero sa masunod na taon.
