Pigbasura na kan Commission on Elections (COMELEC) an mga reklamong election offense laban ki Presidente Ferdinand R. Marcos Jr asin Bise Presidente Sara Duterte.
Ini may relasyon sa soboot pag-ako ninda nin mga donasyon sa kampanya mantang nagdadalagan sa 2022 national asin local elections.
Segun ki Comelec Chairman George Erwin Garcia, binasura an reklamo laban ki PBBM asin VP Sara huli sa immunity ninda bilang presenteng Presidente asin Bise Presidente kan Pilipinas.
Pig-eksplikar ni Garcia na posibleng mag-atubang sinda nin pagbalgar sa Konstitusyon kun maaksyunan ninda an mga reklamo kontra sa duwa.
Sa ibong kaini, pwede pa man giraray sindang kasuhan kan parehong reklamo kun matapos na an saindang mga termino sa 2028.
Nagsangat nin reklamo an grupong Kontra Daya kontra sa dating tandem kan Uniteam huli sa suboot pagbalga kan Omnibus Election Code kan suboot sinda nag-ako nin mga donasyon para sa kampanya hale sa mga kontratista kan gobyerno na ipinagbabawal sa ley.
