Mahigot na mapautob an Commission on Elections nin mga regulasyon para sa campaign materials sa irarom kan “Operation Baklas” komo preparasyon sa nararani na campaign period na mapuon sa Pebrero 11.
Pigtawan duon ni Comelec Chairman George Erwin Garcia na aktibong babaklason kan mga local Comelec offices an mga campaign materials na dae musunod sa tamang sukol o pinaskil sa dae otorisadong lugar o pwesto.
Maimplementar man an poll body nin mas mahigot na lakdang laban sa vote-buying asin vote-selling. Pwede man na tulos ipaaram kan publiko an anuman na insidente, kabali na an mga ladawan o video, sa Committee on Kontra-Bigay.
An vote-buying asin vote-selling an maikokonsiderar na election offenses asin man an kun sisay man na indibiwal na maiimbwelto sa siring na aktibidad ay pwedeng arestaron nin mayong warrant.
