NAGA CITY – Pigheras kan sarong opisyal kan COMELEC-Naga an mga kwalipikasyon para sa voter’s registration.
Sa entrevista kan Bombo Radyo Naga ki Atty. Maico Julia, Election Officer kan COMELEC-Naga, pigsaysay kaini na puon kan magkaigwa nin National Id, dae na kaipohan pa o dae na sinda nag rerelease nin Voter ID, alagad an sainda na sanang pigtatao an voters certification enkaso kaipohanon kan sarong tawo nin katibayan na sarong ining rehistradong botante.
Katakod kaini, pigheras man ni Julia an mga kwalipikasyon sa pagpaparehistro sa eleksyon siring kan age qualification o dapat nasa 18-ayons pataas na sa aldaw kan eleksyon, 6 na bulan nang nakaistar sa isang lugar na pig-dadagosan, asin dapat lehitimong Filipino. Alagad pupwede man soboot magparehistro an igwa nin dual citizenship o an dating Filipino na nagin foreigner.
Mantang an mga foreigner man na haloy nang nakaistar sa Pilipinas an kaipohan man kan naturalization Filipino Citizenship.
Mientrastanto, dae man kwalipikado na magparehistro an sarong indibidwal na igwa nin kaso o an convicted by final judgement na igwa nin penalidad na sarong taon o labi pang taon na pagkakakulong.
Sa ngunyan, nangapodan na sana an opisyal sa mga publiko na dae pa rehistrado na magparehistro na asin dae na paghalaton pa na mag-abot an huring bulan kan registration o an bulan kan Setyembre tanganing makalikay sa pagkakaabal kan saindang oras sa pagpila nin halawig.
