Matatapos na kan Commission on Elections (Comelec) an preparasyon para sa May 12 national asin local elections (NLE).
Sinabi ni Comelec Chairman George Garcia na nasa 90 hasta sa 95 porsyento na an preparasyon mantang an mga miyembro kan Board of Elections Inspectors an nagsasairarom sa training.
Sigun ki Garcia, preparado na sinda para sa balota– biniberipika na sana ini asin man an Voter’s Information Sheet o VIS ay matatapos na man na maimprenta sa Marso 25.
Nag-deploy na nin security forces an Armed Forces of the Philippines asin Philippine National Police sa manlaen-laeng parte kan nasyon.
Pig inkaminar man an publiko na ireport an mga NLE candidates na nagbabayolar sa panundunan kan komisyon siring na sana kan vote buying asin pagbugtak nin campaign materials sa dae awtorisadong lugar.
Pinag abisuhan man ni Garcia an mga kandidato na subaybayan an saindang mga kalaban na posibleng magsamantala asin iduon an basol sa sainda.
An panahon kan kampanya para sa local candidates ay mapuon man sa Marso 28. Madalagan an gabos nin campaign activities sa Mayo 10 o duwang aldaw antes an halalan.
