NAGA CITY- Maogma an sarong commandant makalihis na magpartisipar an saindang eskwelahan sa isinagibong CTP-MAPEH-DRRM Parade, kasuodma Setyembre 13, 2025 sa siyudad nin Naga.
Sa entrevista kan Bombo Radyo Naga ki Mark John Francisco – Commandant, La Victoria High School, Bula, Camarines Sur, sinaysay kaini na magayon an saindang nagin eskperyensiya sa aktibidad maski na ngani pressure soboot an mga ini.
Dugang pa kaini, nahiling kaini sa saiyang mga estudyante na talagang naglalaban an mga ini, kaya maogmahon man an saiyang nagin pagmate maski na ngani gikan soboot sinda sa sadit na eskwelahan.
Sigun pa ki Francisco, obheto kan saindang pagpartisipar sa nasambitan ng parade an tanganing makarani asin mamatean an presensiya ni Inang Peñafrancia, kun saen manggana man soboot sinda o madaog, an kamawotan kan saindang eskwelahan an mag-alay kan saindang debosyon.
Pigtawan-duon pa kan commandant na an pagbali sa siring na aktibidad an kadakol naitataong tabang asin adal sa saiyang mga estudyante, siring na sana kan pagkakaigwa nin tiwala sa sadiri, pagtaong respeto sa saindang paratukdo magin sa saindang kapwa estudyante kun saen ini man an nagreresulta kan magayon na pag-iribahan siring man an magayon na performance.
Sa ngunyan pagiromdom na sana ni Francisco orog na sa mga kajovenan na padagos sana sa mga kamawotan sa buhay huli man ta an pagpadagos asin pakikipaglaban an mataong dalan pasiring sa magayon na futuro.
