Pigkanselar kan award-winning singer na si Bryan Adams an saiya kuta na konsiyerto sa Australia huli sa problema sa pagkabara kan dakulang imburnal.
Nakatalaan kuta na magtugtog an Grammy Award winning singer sa RAC Arena sa Perth alagad inabisuhan ini kan water corporation kan syudad na ipauktaba na muna paramientras. Basado man sa abiso, na apektado an mga comfort rooms kan venue na makawsa ini nin pagkabara.
Gikan sa mga na-alang na lana, grasa asin mga pangpunas an nagin kawsa kan pagbara kan mayor na imburnal sa lugar.
Sa ngunyan, naghagad na sana nin dispensa an nasambitan ng parakanta sa mga fans asin nag promisa ini na ire-reschedule.
Andam man soboot an concert promoter na irefund an kwarta kan mga nakabakal na nin tickets sa konsyerto kuta ni Adams.
