Nagpuon na an conclave sa Vatican tanganing pilion an karibay ni Pope Francis, na nagtalikod sa kinaban kan nakalihis na Abril 21, sa paagi kan pagboto sa Sistine Chapel.
Kaipuhan makua kan sarong kandidato an duwa sa tolong parte kan boto gikan sa 133 cardinal electors tanganing magin bagong Santo Papa.
Enkaso mayong napiling Papa makalihis an tolong aldaw, an pagboto an mapundo nin 24 oras tanganing magtao nin oras sa mga cardinal na magnilay-nilay.
An resulta kan lambang round kan botohan an ipapahayag sa paagi kan aso gikan sa tsimenea kan Sistine Chapel, itom na aso kun mayong napili asin puting aso kasabay kan pagtanog kan kampana kun igwang na nin bagon Santo Papa.
An mga boto an pigsusurat sa papel, pigtitiklop, asin pigbubugtak sa sarong espesyal na urn sa altar kan Sistine Chapel tanganing mamantinir an sekreto kan botohan.
Enkaso mayong napiling Papa makalihis an 33-34 rounds kan botohan (poco mas o menos 13 aldaw), magkakaigwa nin runoff vote sa paagi kan duwang primerong kandidato tanganing matukoy an masunod na Santo Papa.
