Construction worker, pigtataga kan kaiba kaini sa Lucena City

NAGA CITY– Irido an sarong construction worker makalihis na pagtatagaon kan kaiba kaini sa Sitio Tiis, Barangay Gulang-gulang, Lucena City.

Binisto an biktima na si Renato Noel, 52-anyos.

Sa nakuang impormasyon kan Bombo Radyo Naga, napag-araman na nagkainitan an biktima asin an suspek na si Joelito Cataquez Alyas Daniel Cataquez, 43-anyos, hasta sa pagtatagaon kan suspek an biktima sa manlaen laeng na parte kan lawas.

Nagtitinir sa ngunyan an biktima sa ospital asin nagpapadagos pa an imbestigasyon kan mga otoridad mantang pinepreparar na an kasong isasangat laban sa suspetsado.