Pighurot kan Senador na an ipinataw na contempt order kontra sa contractor ni Curlee Discaya an ginibo sa laog kan konstitusyonal na kapangyarihan kan Senado.
Ini an pahayag kan opisina ni Senate President Vicente Sotto III makalihis magsunad ni Discaya nin Petition for habeas corpus na nagkukuwestiyon sa soboot iregularidad kan saiyang pagkakakulong sa irarom kan contempt order.
Sa pagdangog kan Regional Trial Court kan Pasay City, Branch 289 na pinamayuhan ni Judge Melvin Cydrick Bughao, pigsugo kan korte na magtinir na nasa pangangataman kan Senate Sergeant-at-Arms si Discaya.
Pinag-urulayan kan mga abogado ni Discaya an legalidad kan saiyang padagos na pagkakakulong, mantang representantes man kan Senate Legal Counsel an mga respondent.
Sigun pa sa opisina ni Sotto, nakatalaang ipagpadagos an kaso sa Lunes antes ini i-turn over sa Office of the Solicitor General para sa mga masunod na pagdangog.
Marurumdumang pigkokonsiderar na in contempt si Discaya sa pagdangog kan Senate Blue Ribbon Committee kan nakalihis na Setyembre 18 katakod kan maanomalyang flood control project, makalihis soboot ining mag-utik.
An desisyon an dara kan hapot ni Sotto kun tano dae naka-atendir sa nasambitan ng pagdangog an agom kaini na sa Sarah Discaya.
