Opisyal nang ibinugtak kan Commission on Elections (Comelec) En Banc an Cotabato City asin banwaan kan Maluso, Basilan sa irarom kan Comelec Control ngunyan na Setyembre 14, 2026, huli sa mga insidente nin karahasan antes an Bangsamoro Parliamentary Elections.
An desisyon na ini ginibo kasunod kan serye nin karahasan asin insidente sa duwang lugar, kaiba an pagbadil asin pagsabog nin granada sa Cotabato City na nagresulta sa tolong gadan asin dakol na lugadan, siring man an tensyon sa Maluso.
Sa irarom kan Comelec Control, direktang pangangasiwaan kan komisyon an administrasyon asin seguridad sa mga nasabing lugar, na linilikayan an lokal na hurisdiksyon.
Ini gigibuhon sa pakikipagtabangan kan Philippine National Police (PNP) asin Armed Forces of the Philippines (AFP).
Igwa man nin kapangyarihan an Comelec na ribayan an mga lokal na opisyal o security personnel asin direktang kontrolon an pagpapatupad kan mga batas-trapiko asin gun ban.
Minsan siring, pigsierto ni Comelec Chairman George Erwin Garcia na padagos an proseso nin pagboto asin ligtas asin kontrolado kan mga awtoridad an sitwasyon sa gabos na polling precincts.
