Tutol an tagapagtaram kan Naga City Councilor na magrekomendar nin liquor ban sa Naga City sa panahon kan Traslacion asin mga aktibidad kan kapistahan
Sa intrevista kan Bombo Radyo Naga ki Elmer Baldemoro – Naga City Councilor sinaysay kaini na nagrekomendar an PNP Regional Command sa lokal na gobyerno kan Naga City na magpatuman nin liquor ban sa panahon kan mga aktibidad na konektado sa Traslacion asin kapistahan kan ciudad.
Kaiba sa mga petsa na inirekomendar an pagpapatuman kan liquor ban an Setyembre 11 asin Setyembre 17-20, na katakda an Traslacion, civic parade, military parade asin fluvial procession.
Segun ki Baldemoro, bako sana an seguridad kan Traslacion an pinag-uukulan nin atension kan pulisya, kundi pati an seguridad asin kaayusan kan intirong kapistahan kan Naga City.
Sinabi ni Baldemoro na huli sa dakol na bisita na inaasahang madayo sa ciudad kan naga asin dae maiiwasan na may mga tawo na mag-inom nin alkohol sa panahon kan mga aktibidad huli na kasanayan naman.
Dati na man an pagpapatuman nin mga restriksyon sa mga ruta asin lugar na pwedeng agihan, partikular na durante kan Traslacion, bilang parte kan mga hakbang para mapangalagaan an seguridad asin kaayusan.
Ipinaliwanag pa ni Baldemoro na kun ipapatuman an liquor ban, sakop kaini an pag-inom nin alkohol maski sa harong o sa pribadong pagtitiripon.
Mientrastanto an pagmamantinir nin seguridad asin kaayusan, suboot, obligasyon man kapulisan, kaya kaipuhan na maitaas an seguridad asin maitao an kinakaipuhang proteksyon sa publiko durante kan mga aktibidad kan kapistahan.
