Pigkondenar kan Camarines Sur Police Provincial Office an nangyaring insidente kan malicious mischief sa Brgy. Salvacion-Poblacion, Tinambac, Camarines Sur, kasuudma nin pagkaaga, Hunyo 22, 2025.
An tuyong pagraot sa mga pampubliko asin pribadong pagsasadiri, kabali an mga ATM machine, pasilidad kan gobierno, asin mga behikulo, an bako sanang nakakahandal sa katuninongan asin kaayusan kundi nagkakawsa man nin labing huma sa kasalbadohan kan komunidad.
Sigun sa pahayag ni PCOL Virgilio Olalia Jr., Provincial Director, Camarines Sur PPO, na pig-oomaw kaini an marikas na pagresponde kan Tinambac Municipal Police Station na nag-abot sa lugar sa laog nin limang (5) minutos puon kan oras kan report na nagresulta sa tulos na pagkondusir kan imbestigasyon asin hot pursuit operations na naging dalan sa pagkadakop kan suspechado.
Katakod kaini, nangangapudan man an opisyal sa publiko na magin vigilant asin padagos na suportaran an mga effort sa pagmantenir kan paz y orden sa bilog na probinsya.
