NAGA CITY- Nakisumaro an Department of Agriculture Bicol sa National Rice Awareness Month tanganing itampok an paroy asin an bagas komo staple food kan mga Pilipino.
Sa nagin entrevista kan Bombo Radyo Naga ki Lovela Guarin, Spokesperson, DA Bicol, pigsaysay kaini na kada taon sa bulan nin Nobyembre pigseselebrar an National Rice Awareness Month.
Igwa man soboot sinda nin simpleng launching kan IMRA dawa na pirang beses inagihan kan mga bagyo.
Kabali digde an sarpong dance contest sa gabos na mga empleyado kan nasambitan ng ahensya pati walong mga division.
Segun ki Guarin an siring na selebresyon sarong pagkakataon pa tangani ng tawan pugay an buhay kan mga paraoma na padagos an giraray nagtatanom sa ibong kan problema na pirmeng pig aatubang siring kan mga bagyo.
Ini man sarong adbokasiya tanganing makatabang na mapalangkaw an produksyon orog pa an makabawas sa deman kan bagas.
An Be RicePonsible Campaign pig aadvoacte na bako sanang bagas an kakanon kundi an pagtaong pansin man sa adlay rice, kamote, saba asin mais komo panribay sa staple food tanganing mabawasan an demand sa bagas huli sa an populasyon soboot padagos na nagdadakula alagad an pigtatanuman dae man naghehewas kaya nagkakanigo na imanage an pag consume kan bagas.
Pigsaysay pa man kan opisyal na mas marahay soboot na an mga restaurannt nag oopiser nin half cup rice bako an unli rice.
Saro sa goal kan nasambitan man na campaign an para ma improve an income kan mga paraoma huli sa an pigbabakal asin pigko-consume iyo an mga bagas kan mga local farmers.
Mientrastanto, segun pa man sa tagapagtaram na igwang nagkakarkulong nasa 650,000 tonelada nin pagkakan an nasasayang taon taon kaya man nagkakanigo soboot na su tamang pagkakan sana an ilaag sa mga plato pagnagkakakan asin dae na mag order nin unli rice sa sainman na restaurant tanganing makatabang naman na maging bastante an bagas sa nasyon.
