Pigtatapos na kan Department of Agriculture (DA) an draft bill na obhetong pakususgon an kapasidad kan National Food Authority (NFA) na istabilisar an presyo asin suplay kan bagas.
Sigun sa DA, obheto kan propwestong ley na baguhon an mga polisiya kan gobyerno asin pakusugon an seguridad sa pagkakan.
Pigtawan duon kaini an NFA kan awtoridad na maggibo nin tulos na desisyon tangani mamantinir an suplay kan bagas.
Saro ini sa mga solusyon na hinahagad ni House Speaker Ferdinand Martin Romualdez tangani suportaran an programa ni Presidente Ferdinand Marcos Jr. na P20 rice sa irarom man kan Benteng Bigas Meron na (BBM).
Sususugan man sa draft bill an Rice Tarrification Law tangani tugutan an NFA na magpabakal asin pangasiwaan an saindang buffer stock.
Sa paagi kan regulasyon, pigtawan duon kan karapatan an NFA na pangasiwaan an buffer stocks para sa marikas na distribusyon kan bagas, na magpaparikas asin magigin episyente sa pagsimbag sa pangangaipuhan kan publiko.
