Pinangenutan kan Department of Agriculture ang paglulunsar nin “P20 Benteng Bigas, Meron Na! (PBBM) para sa Mangingisda” sa Sual , Pangasinan.
Ini an pinakinabangan kan mga lokal na parasira sa probinsya na isinagibo sa mismong Sual Fish Port .
Sa irarom kan marahay na inisyatibang ini, nagkaigwa nin pagkakataon an mga benepisyaryong parasisira na makabakal nin de-kalidad na bagas sa hababang presyo na ₱20 sana kada kilo—sarong dakulang agwat kumparar sa presenteng kantidad nin bagas sa mga merkado.
Huli man digde, pigtugutan an kada benepisyaryo na makabakal nin hasta sa 10 kilo nin bagas, na nagresulta sa dakulang bawas sa uru-aldaw na gastuson kan saindang mga pamilya, asin nagtaong dalan tangani magkaigwa sinda nin dagdag na pondo para sa iba pang pangangaipuhan.
May kabilugang 100 sako nin bagas na gikan pa sa National Food Authority (NFA) Eastern Pangasinan an pigtagama asin pigheras para sa mga kwalipikadong benepisyaryo na naka istar sa nasambitan ng lugar.
Sa paagi kan pakarhay na pagpaplano asin koordinasyon, masisiguro an pantay-pantay asin man mayong kinikilingang distribusyon nin bagas, tangani tulos man na mamatean kan mga parasisira asin kan saindang pamilya an positibong epekto kan programa sa saindang buhay.
Sigun sa NFA Eastern Pangasinan, igwa sindang planong palawigon pa an pagpapautob kan nasambitan ng programa sa manlaen-laeng lugar sa bilog na Pangasinan.
