NAGA CITY- Alagad maski dae pa nagpupuon an planong pagpapabakal kan bagas sa P29 kada kilo, nagpagirumdom na an Department of Agriculture (DA) sa mga konsyumer na dae pag-abusuhon an nasambitan ng programa.
Ginibo kan ahensiya an apelar, kasabay kan posibilidad na babalik-balikan nanaman kan mga konsyumer an mga baratong bagas, na igwa man sana nin limitasyon sa volume na pupwedeng bakalon kan kada pamilya.
Sigun ki DA Spokesperson Assistant Secretary Arnel de Mesa, target kan gobierno na makinabang an mga marginalize sector sa nasambitan ng programa kaya kaipohan na maintindihan kan mga konsyumer na limitado san an saindang mababakal.
Pagirumdom kan DA official sa mga konsyumer na dae pagsubrahan an babakalon alagad, pagbigyan man an iba pa na kwalipikadong magbakal. Paliwanag pa ni De Mesa, an nasambitan ng programa an supplemental option sana para sa mga nagteteos na pamilya tanganing mabasan an saindang mga gastuson.
Enot nang inaprubaran kan National Food Authority(NFA) council an pagpapabakal sa mga lumang bagas kan NFA na marhay pa an kalidad sa kantidad na P29 kada kilo.
Sa inisyal na plano, sulamenteng an mga kabali sa marginalize sektor an makakabakal, siring kan solo parents, PWDs, nagteteos na pamilya, asin iba pa. Laoman man na maipapaluwas kan DA an panuntunan sa pagpapautob sa program, antes an pagpupuon kaini sa Hulyo, 2024.
