Target kan Department of Agriculture (DA) na mapahewas pa an bente pesos na rice program hasta sa 15 milyong Pilipino o 3.3 million households.
Sa sarong pulong balitaan, inanunsyar ni Agriculture Spokesman Asec. Arnel de Mesa na makakabali na digde an mga inaapod na low income.
Depende na sana soboot sa mga LGU kun mawot nindang magin available an benteng bagas sa gabos nin sektor. Inihayag ni Asec. De Mesa na target kan ikaduwang bugso nin programa an Mindanao kun saen halangkaw an insidente nin katiosan.
Partikularmente ini sa Zamboanga del Norte, na mapuon na sa Hulyo siringman sa Basilan, Cotabato City, Tawi-Tawi, Maguindanao del Sur, Maguindanao, Davao Oriental, Maguindanao del Norte asin magin sa Sorsogon sa Luzon.
An third phase man an sa Setyembre partikular sa Sultan Kudarat, Lanao del Norte, Catanduanes, Agusan del Sur, Sarangani, asin Dinagat Islands.
