NAGA CITY – Pig-anunsyar kan Department of Agriculture na papupuonan na an mass trial para sa bakuna kontra African Swine Fever (ASF).
Kasunod na man ini kan promesa ni Agri Sec. Francisco Tiu-Laurel na maharani nang magin available an bakuna kontra ASF sa nasyon. Sinaysay ni DA Spokesperson Asec. Arnel de Mesa na popondohan kan kagawaran an gigibuhong mahewasang trial para sa ASF vaccine makalihis an serye kan clinical trials, kun saen ipinahiling na epektibo an bakuna tanganing maproteheran an mga orig kontra sa helang.
An mga bakunang isasalang sa mass trial an gikan sa Vietnam. Enkaso magtrayumpo an mass trial an saka man soboot pupuoan an commercialization kan bakuna sa Pilipinas na tina-target ngunyan na taon.
Paliwanag ni Asec. De Mesa, importante an nationwide immunization drive kontra sa ASF tanganing mapugolan an pagkuriyat kan helang sa orig asin liwat mapaogma an hog industry sa nasyon.
