Pigdepensaran ni Agriculture Secretary Francisco Tiu Laurel Jr an desisyon ninda na mag-angkat nin mga sibulyas.
Sinabi kan sekretaryo na nagkakanigo sana na ngunyan na bulan igwa na nin 7,000 tonelada na kakulangan nin sibulyas sa nasyon.
Dugang pa kaini na saindang aaprubaran sana an 4,000 na tonelada na pigbibilog kan 3,000 tonelada para sa pulang sibulyas asin 1,000 tonelada para sa puting sibulyas tangani masimbagan an nasambitan ng kakulangan.
Paliwanag pa kaini na bako man soboot ini paraoma, importer asin ini sarong Sekretaryo sana na nagmamanihar nin sitwasyon.
Hasta sa katahawan pa kan Marso o Abril an harvest season kan sibulyas kaya man enkaso na dae kaini masisimbagan ngunyan an kakulangan, pwedeng maglala an presyo kan mga ini.
Sarong taktika sana an saindang piggibo ngunyan na pag-aangkat sa limitadong oras tangani malikayan an anuman na paglobo kan presyo kan mga sibulyas.
Marurumdumang pigbatikos kan mga paraoma an desisyon kan DA na mag-angkat nin sibulyas huli sa harvest season na ngunyan sierto na pwedeng kadakol na suplay an maabot sa mga masunod na semana.
