Pigpatanidan kan Department of Agriculture (DA) an mga nagpaabakal kan mahal na presyo nin karneng orig na nagpapakol nin P450 kada kilo hasta P480 kada kilo sa merkado.
Sigun ki Agriculture spokesperson ASec. Arnel de Mesa, malibot sinda asin dudumanan an mga lugar na nagpapabakal sa napakamahal na presyo sa mga karne nin orog asin sisitaron an mga ini.
Soboot, basado sa inisyal na konsultasyon sa hog industry stakeholders, nagluluwas na bakong resonable an mga presyo.
Basado kaya sa DA-Bantay Presyo, kan nakalihis na Pebrero 15, an mga presyo kan karneng orig an nagtitinir na halangkaw sa Metro Manila na naa P380 hasta P480 kada kilo para sa pork liempo mantang nasa P350 hasta P420 kada kilo man para sa pork kasim.
Samantala, tanganing masimbagan an halangkaw na presyo kan orig, naenot na man na sinaysa kan DA na posibleng mag-come up ini nin manufacturer’s suggested retail price (MSRP) sa Marso tanganing makatabang na mapahupa an pagsipa kan presyo kan karneng orig.
Pighihiling man kan ahensiya an posibilidad kan pagpapabakal kan mas baratong karne kan orig komo alternatibong opsiyon sa mga konsyumer.
