Padagos an piggigibong lakdang kan Department of Agriculture tanganing mapahiwas pa an availability kan mga bakuna sa urig kontra sa ASF.
Sigun sa ahensya, kaipuhan na magin commercially available an mga ini sa orog na marikas na panahon o antes na mag abot an bulan nin Hunyo.
Sa sarong pahayag pigsaysay ni DA Secretary Francisco Tiu-Laurel Jr na pinag-aadalan nindang magsumiter nin rekomendasyon sa paggamit kan ASF vaccines sa Food and Drug Administration. Ini an huli sa nararani man na pagtatapos kan pigsasagibo kan mga ini nin field testing.
Kumbensido an sekretaryo na dakula an maitatabang kan nasambitan ng bakuna tangani maresolbaran an mga kaso kan ASF sa nasyon orog na sa industriya kan pag-uurig. Sa ibong kaini, pigsierto kan DA na nananatiling kontrolado ang kaso ng ASF sa Pilipinas.
