Piglinaw ni Department of Agriculture (DA) Assistant Secretary for Agribusiness, Marketing and Consumer Affairs Atty. Genevieve Velicaria-Guevarra na an ipapautob na maximum retail price (MRP) an para sana sa imported na bagas.
Piggibo kan opisyal an paglilinaw kasabay kan implementasyon kan MRP ngunyan na aldaw, Jan. 20.
Segun ki Guevarra, dae sakop kan bagong polisiya an mga locally-produced na paroy na pigpapabakal sa mga merkado, sulamenteng an mga imported premium rice sana an papatawan kan MRP.
An mga ini an soboot an marahay na klase huli ta zero hasta limang porsyento sana an broken mantang nasa proseso kan paggiling.
Sa irarom pa kan bagong polisiya, hasta sa P58 sana an pinakahalangkaw na presyo kan bagas na pwedeng ilatag sa mga imported premium rice.
Ini an ipapautob sana sa Metro Manila. Segun ki Asec. Guevarra, regular na mag-iitok an team kan DA tangani mabantayan an implementasyon kaini sa gabos nin mga merkado sa bilog na National Capital Region (NCR).
Liwat na pigtawan duon kan opisyal na an nasambitan ng lakdang an parte kan kamwotan kan presenteng administrasyon na mapababa an presyo kan bagas asin magibong abot-kaya para sa mga consumer.
