Pinapabantayan kan Department of Agriculture(DA) sa mga hog raiser an pagkuriyat kan African Swine Fever(ASF) ngunyan na sunod-sunod an mga pag-uran.
Sigun ki Dr. Conastante Palabrica, Assistant Secretary for Swine and Poultry kan DA, marekas an pagkauriyat kan ASF sa panahon kan tag-uran, basado na man sa record kan ahensiya sa mga nakalihis na taon puon kan enot na nadetect an virus sa Pilipinas.
Sigun sa opisyal, kalimitang nagpupuon na mag-angat o maglubo an kaso kan ASF sa tuyong Agusto hasta Setyembre kun kun saen mayong untok an mga pag-uran sa parte kan nasyon.
Taliwas man ini kapag nagsasapit an tag-araw kun saen nagbababa an kaso. Paliwanag ni Palabrica, naikukuriyat an virus sa mga orig kapag tag-uran asin panahon kan pagbaha, kaya’ marekas na naaabot an mga kulungan kan mga ini.
