Ribo-ribong katawo an naribok sa bilog na Cebu makalihis na magtama an 6.9 magnitude na linog alas-9:59 nin bangi, aldaw nin Martes Setyembre 30, 2025.
Kabali sa mga danyos na sinapo an nagrasay na Archdiocesan Shrine of Santa Rosa de Lima sa Daanbantayan, Cebu, asin naraot na nagkapirang parte kan simbahan.
Mientrastanto, sa Bogo City, Cebu, kun saen an sentro kan linog, sarong sikat na fast food chain an nadanyaran an istraktura kaini na dae na salbadong palaugan nin tawo mantang an nagkapira man na mga motorista nahiling an darakulang bitak sa mga tinampo.
Mientrastanto, paramientras na nagtipon man sa luwas an mga pasyente asin nagkapirang medical staff kan Cebu City Medical Center hospital sa Cebu City makalhis an makusog na linog kun saen 3 katawo an nalugadan.
Nagluwas man nin pahayag si Cebu City Mayor Nestor Archival na nag-eenkamianr sa mga tawo na magtinir na kalmado sa sitwasyon.
Siringman, nagkapirang eskwelahan sa Cebu City, Mandaue asin iba pa an nagdeklarar na mayong klase ngunyan na aldaw, Oktubre 1.
Sa presente, dae mababa sa 20 katawo na an nairehistrong binawian nin buhay huli sa nasambitan ng pagyugo-yugo.
Padagos an isinasagibong search and rescue operations kan mga otoridad.
