NAGA CITY- Nagpakol na sa P10.7 bilyon an nairehistrong kabilugang danyos na pigwalat kan bagyong Nina sa probinsya nin Camarines Sur.
Susog sa pinaka-latest na damage report hale sa Provincial Disaster Risk Reduction Management Office (PDRRMO) -Camarines Sur, napag-araman na nag-abot sa P2.7 bilyon ang danyos sa sektor kan agrikultura mantang nag-abot man sa P2.6 bilyon sa sektor kan imprastraktura.
Limang persona man an nairehistrong pigbawian nin buhay katakod kan pagtama kan nasambitang bagyo.
Nag-abot man suboot sa 320 persona an naihirestrong nairido alagad dae na an mga ini na-admit sa ospital.
Ipinaluwas an nasambitang report kan PDRRMO-Camarines Sur sarong bulan makalihis an panlalamasa kan bagyong Nina sa probinsya.
