OROG pang naglangkaw an kantedad kan winalat na danyos kan mahewasang pagbaha sa mga sektor kan imprastraktura asin pag-ooma.
Basado sa pinakahuring datos kan National Disaster Risk Reduction and Management Council (NDRRMC), naglobo na an pinagsarong danyos sa P5.98 billion.
Sa nasambitan ng kantedad, P4.17 billion an danyos sa agrikultura mantang P1.81 billion man sa imprastraktura.
Nagkapira sa mga labing nakapagrehistro nin danyos an mga omahan kan paroy, mais, asin mga high value crops mantang nakapagrehistro man nin dakulang danyos sa mga siraan na kun saen nag-apaw an mga ini, irrigation facilities asin agricultural machineries.
Sa imprastraktura, nairehistrong naraot an nagkapirang parte kan mga tinampo asin tulay na pig-abot kan tubig baha.
