Napuli sa sarong tensyon asin pisikalan na komprontasyon an nangyari sa parliament kan Bulgaria mantang pigsasagibo an sarong debate manungod sa planong paglaog kan nasyon sa eurozone.
Basado sa video na nagluwas mahihiling na pigtulak si Yavor Bozhankov kan partidong We Continue the Change sa tahaw kan mga debate.
An nangyaring tensyon an makalihis aprubaran kan European Commission asin man kan European Central Bank an pakisumaro kan Bulgaria sa euro komo sarong opisyal na kwarta kan nasyon magpuon Enero 1, 2025.
Sigun sa European Commission, may bastante sindang basehan tangani aprubaran an pagsali kan nasyon sa eurozone kabali an pakarhay na pamamayo kan inflation, budget deficit, asin utang kan nasyon.
Mientrastanto, rinibong raliyista man an nagtipon sa luwas kan parliyamento sa Sofia, dara an bandera kan Bulgaria asin Russia, asin nagkukurahaw nin “No to Euro colonialism.”
Mantang an iba dara man an placard na may nakasurat na “No to the euro” asin “Yes to our lev.”
Sigun ki Prime Minister Rossen Jeliazkov, ini an sarong “remarkable day” para sa nasyon, mantang pigtawan duon ni European Commission President Ursula von der Leyen na huli sa pangyayaring ini, makusog pa an ekonomiya kan Bulgaria sa euro.
