NAGA CITY- Nag-apela ngunian si Senate Committee on Constitutional Amendments and Revision of Codes Sen. Francis “Kiko” Pangilinan sa media para sa padagos na pag “cover” kan mga gigibuhong debate kan mga lehislador sa urulay kan charter change o “cha-cha.”
Sa ekslusibong entrevista kan Bombo Radyo-Naga ki Pangilinan, sinaysay kaini na nakatalaan suboot na isagibo an debate sa bulan nin Pebrero sa manlaenlaeng parte kan nasyun.
Napag-aramang nagkapir sa saindang hinihiling na lugar na kokondusiran kan nasambitan ng debate an probinsya nin Cebu, Baguio asin Cagayan De Oro.
Tinawang duon man ni Pangilinan na dai suboot pwedeng magkaigwa nin chacha hasta sa dai nasasabutan kan mga namamanwaan an importansya kan pagbabago kan Saligang Batas.
Sa huri, sinaysay kan Senador na an publiko an dapat na makinabang digdi asin bako an mga politikong mawot sanang mapalawig an pagtitinir sa saindang mga pwesto.
