Pinabagsak ni Filipina mixed martial artist Denise Zamboanga an Ukrainian fighter na si Alyona Rassohyna sa paghampang kan duwa sa ONE Interim Women’s Atomweight MMA World Title sa Thailand.
Nagibo ni Zamboanga an nasambitan ng pagkagana sa ikaduwang round kan laban sa paagi kan pagpapauran nin kadakol na hammerfist asin elbow strike sa Ukrainian fighter.
Dae na nakabalos si Rassohyna hasta sa pinapundo na kan referee an laban pirang segundo na sana antes matapos an 2nd round asin pigdeklarar an Pinay figter komo gana.
Huli sa pagkagana, piglalaomang makakahampang liwat kan Pinay fighter an presenteng divisional champion na si Stamp Fairtex para sa unification fight.
Antes sa laban ni Zamboanga, pigdominar man ni Filipino muay thai fighter Islay Bomogao ang laban kontra ki Chinese fighter Ran Longshu, paagi tanganing ibulsa kan Igorota an saiyang ikaduwang pagkagana sa One Championship.
Si Isla an top muay fighter sa bilog na kinaban, sa irarom kan 45kg female elite division basado sa ranking kan International Federation of Muaythai Associations (IFMA).
Sigun man sa One Championship, maikokonsiderar si Zamboanga komo enot na Pinay na nakapagbulsa nin MMA World Title.
