NAGA CITY- Pig-enkaminar kan Environment Management Bureau kan Department of Environment and Natural Resources Bicol an mga Bikolanos asin an local government units na bawasan an paggamit nin plastic.
Sigun ki Maria Socorro Abu, director kan EMB-DENR, an Rehiyong Bicol nakakapag-kontribwer nin 6 na tonelada kan plastic na basura sa nasyon asin kadaklan sa mga ini an napapasiring sa mga kadagatan.
Katakod digde, liwat na pig-eenkaminar an publiko na bawasan an paggamit nin plastic asin iapon sa tamang basurahan an mga ini.
Piglilikayan soboot na an mga nasambitan ng plastic an mapasiring sa mga kadagatan, salog o iba pag areas.
Pigsaysay nin Abud na an pag-aapon nin plastic sa mga katubigan an nakaka-apektar sa biodiversity kun kaya kaipuhan na matapos na an plastic pollution sa paagi kan pagbawas sa paggamit kaini.
An pagsimbag man sa problema an nagpupuon sa kaharongan siringman sa mga tawo na igwang dakulang pagtatao nin importansiya sa kapalibutan.
Mientrastanto, an pagkomemorar sa 2025 Environment Month an igwang tema na Ending Global Plastic Pollution.
Ini nagseserbeng pagirumdom sa mga tawo na an pagproteher sa kapalibutan an panghabambuhay kun kaya kaipuhan na puonan na sa presente sa paagi kan kolektibong aksyon asin boses.
