Pigtawan-duon kan sarong opisyal sa lado kan edukasyon sa siyudad nin Naga na an naresiber kaining award gikan sa City Hall, an sarong resolusyon na nagbibisto sa award na nakua kan DEPED Naga City na iginawad kan Commission sa Wikang Pilipino komo pagpapautob kan executive order No. 335 sa panahon ni dating Presidente Corazon Aquino.
Sa nagin patara-tara ni Dr. Susan Collano, schools Division Superintendent kan Deped-Naga, sinaysay kaini na huli ta naabot ninda an level 3 kan source taon taon na kung saen gabos na government agencies pigmamandato partikularmente an paggamit kan wikang Pilipino sa mga opisyal.
Katakod digde, an highest level na pwedeng makua an mapakol sa level 4 huli ta kaipuhan kaining mag mentor nin ibang agencies tanganing magawadan ini kan siring na pagbisto.
Alagad pigtawan duon man ni Collano na maogma soboot ini huli ta dae gabos natatawan kan siring na pagbisto alagad ngunian soboot na attempt ninda mas halangkaw an nakua kaining award.
Dugang pa kan opisyal pig-iinkaminar ninda an mga eskwelahan na magkaigwa nin mga mini-library huli ta igwa nin nakaalokar sa DEPED Naga City nin library hub kun sain saro ining building na kumpleto an mga library materials asin pigbisita naman ini kan taga central office asin saindang pig validate an mga vendable spaces Kun kaya pigsierto kan opisyal na pwede ining maabot sa 2025 o antes mag abot an 2025.
Sigun digde, bako pa ining per-school huli ta dakula man an pundo na magagamit asin an pigbubugtaka soboot kaini an mga kataraid na eskwelahan kun sain saro ining building alagad pwede digde na magsubli nin mga gamit an mga maestra o mga estudyante tanganing magamit an library.
Mientrastanto, pig apod man ninda ini komo library-hub alagad dae pa soboot kaini aram kun sain dgdi sa syudad ilalaag an nasambitan ng library.
Dagdag pa ni Collano, igwa na soboot kan nasambitan ng library kun sain makukua ini sa Division Office asin maogma man soboot huli ta pigbisita ini kan bureau of learning resources huli ta igwa nin innovation an Naga sa digitalization kan learning resources management information system.
Pigsaysay pa kan opisyal na gigibuhon an DEPED Naga na data center kan bilog na DEPED Philippines.
