Piglalaoman na maabot sa poco mas o menos 27 milyong estudyante gikan sa pre-school hasta senior high school an ma-enroll para sa school year 2025–2026, sigun sa Department of Education.
Sigun ki Assistant Secretary Jocelyn Andaya, padagos na pigsisimbagan kan departamento an kakulangan kan mga classrooms sa tahaw kan pagdakol kan mga estudyante.
Nangangaipuhan nin 165,000 na mga classrooms sa pampublikong sistema kan edukasyon na obhetong simbagan kan DepEd sa paagi kan public-private partnerships.
Mientrastanto, makasar man an DepEd nin Oplan Balik Eskwela, kaibahan an Brigada Eskwela, puon Hunyo 9 hasta Hunyo 13.
Makakatabang an programa tanganing mapamarhay an kamugtakan kan mga classrooms.
Pigkumpirmar ni Andaya, na mayong raraot na mga lamesa asin tukawan kun saen piggigibuhan na ninda nin paagi.
Papakarhayon ninda soboot ini sa abot kan saindang makakaya.
