Piglalaomang mapakol sa poco mas o menos 27 milyong estudyante gikan sa preschool hasta senior high school an ma-enroll para sa Taong Panuruan 2025–2026, susog sa Department of Education.
Sigun ki Assistant Secretary Jocelyn Andaya, padagos na sinisimbagan kan ahensya an kakulangan kan mga classrooms sa tahaw kan pagdakol nin mga estudyante.
Nangangaipuhan nin 165,000 na mga classrooms sa pampublikong sistema kan edukasyon na obhetong simbagan kan DepEd sa paagi kan public-private partnerships.
Mientrastanto, makasa man an DepEd nin Oplan Balik Eskwela, kabali man an Brigada Eskwela, magpuon Hunyo 9 hasta Hunyo 13.
Makakatabang an programa tangani mapamarhay an kamugtakan kan mga classrooms.
Kinumpirmar ni Andaya, na igwang mga raot na lamesa asin tukawan na kun saen ginigibuhan na soboot ninda nin paagi.
