Kinomenda ni Isreali Prime Minister Banjamin Netanyahu an nagin desisyon ni United States President Donald Trump na pagbomba sa mga nuclear sites kan Iran na Fordow, Netanz asin Esfahan.
Sigun ki Netanyahu, an nagin desisyon na ini ni Trump an nagpapahiling sana kan saiyang pakikisumaro na tapuson na an paghahadi kan inaapod kaining ‘most dangerous regime’ asin nasyong may pinakapeligrusong mga armas.
An liderato ni Trump, naggibo nin makasaysayang desisyon na habang buhay na maiirehistro sa historya kan kinaban. Ini an madara sa bilog na Middle east asin magin sa iba pang mga nasyon kan kaunlaran asin katuninungan.
Mientrastanto, nagpasalamat si Netanyahu ki Trump huli man sa matrayumpo kaining pagraot sa mga nuclear sites kan Iran nin may bilog na tapang asin kusog.
