Pighurot ni Senator Christopher “Bong” Go na pag-abot sa urulay nin impeachment trial kontra ki Vice President Sara Duterte, kanya-kanya pa man na desisyon digde an mga senador.
Ini an pigtawan duon ni Go makalihis linawon na dae nagin factor an impeachment sa pagtatao nin suporta kan Duterte bloc ki Senate President Chiz Escudero.
Sigun ki Go, an napag-ulayan sana ninda sa partido iyo an sasaro an magigin boto ninda sa Senate President asin mapili sinda basado sa kun sisay an makakatabang sa pagbubusol nin mga programa para sa mga sakit sa buhay.
Sinabi kan senador na mas mawot kaini nin continuity o pagpapadagos kan Senate leadership tangani dae mauktaba an mga ibubusol na programa sa Senado asin preparado ining magtrabaho kun sa majority sinda mapapabali.
Dae man soboot ninda napag-ulayan an mapadapit sa impeachment asin man mayo sindang hinagad na ano man na pabor ki Escudero para digde
