Pasado alas-10 nin pagkaaga, ibinalik na sa Senado si dating Bulacan assistant district engineer Brice Hernandez makalihis an pagdangog ngunyan na aldaw sa Pasay Regional Trial Court Branch 112 katakod kan saiyang pigsunad na Writ of Amparo petition.
Nagsairarom si Hernandez nin medical examinination makalihis maibalik sa Senate detention facility.
Sa surat na pigsunad kan saiyang mga abogado ki Senate President Vicente “Tito” Sotto III, kahagadan an liwat na pag ako ki Hernandez sa Senate Detention Facility. Ipinahayag kan kampo ni Hernandez an tiwala na parehong masirbing huwaran kan disiplina asin patas na pagtrato sinda Sotto asin Senate Blue Ribbon Committee Chairman Ping Lacson.
An pagtitinir ni Hernandez an patunay na an.institusyon an dae nag iiwas sa katotohanan asin dae man ini tinatalikudan an taong nagsusugal kan saindang kalsalbaduhan tangani ilantad an mga ini.
Nilalaomang mahampang si Hernandez sa masunod na pagdangog kan Blue Ribbon Committee.
Pinagbigyan ni Sotto an kahagadan, asin binisto man ini kan Korte.
