Pigpapahampang sa imbestigasyon kan Independent Commission on Infrastructure (ICI) si dating DPWH Assistant District Engineer Brice Hernandez.
Sa pagdangog kan Senate Blue Ribbon Committe, sinaysay ni Senate President Tito Sotto III, naresebir na kaini kasuodma an subpoena duces tecum asin subpoena testificandum para ki Hernandez.
Dugang pa ni Sotto, tatawan kaini nin otoridad an Senate Sergeant-at-Arms tanganing ihatod si Hernandez sa Independent Commission on Infrastructure asin siertuhong makaka-atendir ini sa imbestigasyon.
Inabisuhan man ni Sotto si Hernandez na magsabi nin bilog na katotoohan, huli ta magkaiba soboot an sakop kan imbestigasyon kan ICI asin kan Senado, na piggibo kan aid of legislation.
Mientrastanto, pighagad man ni Hernandez na mahali an pinataw sa saiyang contempt tanganing makapangalap pa ini nin ebidensiyang igwang mga imbwelto pang haralangkaw na opisyal katakod sa soboot korapsiyon sa flood control projects.
Hurot ni Lacson, isugo na sana ini sa iba huli ta dae magigin patas sa nagkapirang indibidwal na pinatawan man nin contempt.
Nagsingit si Sotto asin sinabing ikokonsiderar kan komite an kahagadan ni Hernandez makalihis ining maghampang sa imbestigasyon kan binilog na Independent Commission for Infrastructure.
