Nangapudan an Department of Foreign Affairs (DFA) sa China na siertohon an kapakanan asin karapatan kan mahigit 100 Pilipinong inaresto huli umano sa ilegal na pagtatrabaho o paiistar sa bansa.
Kinumpirma kan DFA an malawakang pag-aresto matapos sabihon kan Chinese Foreign Ministry na nagsagibo ini nin aksiyon laban sa mahigit 100 Pilipinong pinaghihinalaang ilegal na nagtatrabaho sa China.
Sinabi kan DFA na binibisto kan Pilipinas an karapatan kan China na ikundisir an sadiri kaining immigration laws, basta’t sinusunod an tamang proseso.
Siring man, hiniling kan ahensya sa mga awtoridad kan China na pangatamanan an kamugtakan kan mga Pilipinong nakakulong asin tulos na ipaaram sa Philippine Foreign Service Posts an pagkakadetine kaini.
Segun sa DFA, naaayon ini sa Vienna Convention on Consular Relations asin sa 2013 Philippines-China Consular Agreement.
Nakikipag-takod na an DFA sa Philippine Embassy sa Beijing asin mga Philippine Consulate-General sa China tanganing maaraman an eksaktong bilang kan mga inarestong Pilipino asin an mga kawsa sa likod kan pagkakakulong kan mga ini.
Sinusuri man kan ahensya kun nasunod an legal asin consular procedures sa pag-aresto kan mga Pilipino.
Mientrastanto, mariing binatikos ni Defense Secretary Gilbert Teodoro an ginibong pag-aresto kan China sa mga Pilipino.
Inapod ini kaining sarong klase kan “blackmail” asin kinondenar an umano’y paggamit sa mga Pilipino bilang paagi tanganing makiaram sa proseso kan pagkukundisir nin Ley kan Pilipinas.
