Pinalagan kan Department of Foreign Affairs (DFA) an inisyung bagong travel advisory kan China sa Pilipinas asin pigsierto na sisimbagan kan law enforcement officers an mga napabareta na krimen kabali na an kinaimbweltuhan kan Chinese nationals.
Sa sarong statement ngunyan na Lunes, Setyembre 1, nanindugan an DFA na an mga insidente nin krimen na naireport sa mga awtoridad sa nasyon kabali an mga nagibo kan Chinese nationals kontra sa saindang kaibahan an masusing sinisimbagan kan katakod na law enforcement authorities.
Nakikipag-koordinar man an gobyerno sa relevant stakeholders sa nasambitan ng mga kaso. Ginibo kan ahensiya an pahayag makalihis patanid kan Chinese Foreign Ministry an saindang kahimanwang Chinese sa naglala soboot na public security sa Pilipinas na tinatarget soboot an mga Chinese national, alagad sigun sa DFA, “mischaracterize” ini sa sitwasyon sa nasyon.
Pinapalikay man an mga Chinese national sa high-risk areas asin inabisuhan an mga mawot na bumisita sa Pilipinas na magsagibo nin masusing risk assessment antes na planuhon an biyahe.
Alagad sa parte kan DFA, pighurot kaini an commitment kan Pilipinas para sa sarong konstruktibong pagsimbag sa mga isyu sa mutual concern sa pag-ultanan ninda kan China.
Kun saen kansuarin sana nagsagiho an duwang panig kan ika-9 na Philippines-China Joint Consultation Meeting kun saen pinag-ulayan an mga concern asin mga lakdang tangani pararumon pa an law enforcement cooperation kan duwang nasyon.
