NAGA CITY- Naikurit sa Brgy Dayangdang Naga City an nagkapirang mga helang siring kan Diabetes, Hypertension, abo sipon asin Tuberculosis.
Sa entrevista kan Bombo Radyo Naga ki Jene Soriano – BHW, Barangay Dayangdang, Naga City, sinaysay kaini na kadaklan sa mga tinatamaan kan nasambitan ng mga helang iyo an mga Seniors huli ta sa saindang mga edad madali na sindnag makasagap nin mga kahelangan.
Sigun ki Soriano, nagtatao man an saindang pag iriba nin kadikit na tabang na kun saen oras na igwa nin pigpadarang bulong gikan DOH o sa Brgy na pig aallocate, sainda man tulos na pigheras komo tabang sa mga kahimanwa tangani maiwasan an malalaeng epekto kan mga helang.
Dugang pa kan opisyal, igwa na nin naikurit nin tinamaan na helang na Tuberculosis na nag eedad 15 pataas, saro sa pighihiling na rason kaini iyo an labing puyat, toxicity kan kapalibutan, asin pagpalipas nin gutom na nagigin rason man kan pagbaba kan immune system.
Sa ngunyan, pangapudan pa ni Soriano sa mga konstutuwentes, na tangani makaibitar sa mga siirng na helang, pirmeng pangatamanan an salud, asin mag likay na makihalubilo sa mga tawong igwa nin nakakahawang helang asin pag iwas sa bisyo.
