NAGA CITY- Pigtawan duon kan DICT-Camarines Sur na magayon an paggamit asin pag-promoter kan Artificial Intelligence.
Sa entrevista kan Bombo Radyo Naga ki Engr. Clint Vincent Gregorio, Free Wifi Project Focal kan DICT-Camarines Sur, sinaysay kaini na an mga tawo kaipuhan na magsairarom sa training tanganing maintindihan asin magamit sa tama an AI.
Paliwanag kan opisyal, kadakol na mga tawo orog na an nagkapirang mga jovenes na copy-paste na sana an ginigibo pag-abot sa saindang mga assignment o research.
Siringman, an nagkapira an dae na tatao magsara nin impormasyon asin labi-labi an saindang pag-rely sa mga makabagong teknolohiya siring kan ChatGPT.
Sigun pa ki Gregorio, an tawo an nagta-training sa AI. Boot sabihon, an mga tawo man an nagtatao nin limitasyon kun ano sana an maipo-provode kan nasambitan ng Artificial Intelligence.
Paliwanag pa kan opisyal, importante an mga seminars and training na pigtatao sa publiko tanganing malikayan an pag-aabuso digde asin magamit sa pagpapakuriyat nin tama asin totoong impormasyon.
Sa ngunyan, pakiulay na sana kaini sa publiko na magin responsable sa saindang paggamit kan makabagong teknolohiya.
