Pigsierto ni Department of Information and Communications Technology (DICT) Secretary Henry Aguda na mahigot an saindang koordinasyon sa mga telecommunications companies asin cyber practitioners tanganing pagprepararan an mga posibleng Distributed Denial of Service (DDoS) attacks.
Sigun ki Aguda, nag-urulay an DICT asin an mga representantes kan industriya kan panahon kan Undas tanganing pag-urulayan an mga lakdang pangseguridad sa internet.
Sinaysay ni Aguda na mas marhay nang magin preparado kaysa magbasol sa huri. Nilinaw man ni Aguda na an DDoS an bakong sarong data breach.
Mayo soboot mawawarang data asin mayong mahahabon na account orog na an kwarta.
Ipinaliwanag man kan sekretaryo na an DDoS an maikukumpa4ar sa traffic jam sa internet kun sarabay na nagpadara nin kadakol na request sa sarong website o system, nagigin maluya o paramientras na dae ma-access an serbisyo.
Pigsierto man kan DICT na preparado an gobyerno asin an mga critical infrastructure providers sa paghampabg sa siring na klase kan cyber attack.
Igwa man nakapreparar na anti-DDoS equipment asin sistema an mga service providers tanganing marekas na maibweltada an normal na operasyon kan mga apektadong network.
Inabisuhan ni Aguda an publiko na dae mag-panic asin magtinir na mapagmatyag sa anumang online activity.
