Pig-enkaminar kan pamayuhan kan Department of Interior and Local Government an gabos na mga lokal na gobyerno na magpatupad kan mga pamantayan sa paggamit nin paputok sa pagsabat sa bagong taon.
Ginibo ni Interior Sec. Jonvic Remulla an nasambitan ng pahayag tanganing mabawasan an numero kan mga naikukurit na fireworks related injuries sa nasyon.
Sigun ki Remulla, kaipuhan higotan kan mga LGU an mga residente sa paggamit kan paputok asin magtalaga nin mga community fireworks display na igwang kaukulang permits.
Pinagsugo man kan sekretaryo an pagsasagibo kan public awareness campaign manungod sa mga peligro na dara kan paputok.
Pinagsisierto man kan sekretaryo sa pamayuhan kan Bureau of Fire Protection na an gabos kan mga pigtalagang lugar para sa fireworks display an nagsusunod sa mga panundon sa irarom kan Republic Act No. 9514 o bistado sa apod na Fire Code of the Philippines.
Ipinagsugo na man ni Remulla sa PNP na paigtingon an saindang operasyon kontra sa mga ilegal na paputok.
Liwat man na nangapudan an sekretaryo sa publiko na dae na maggamit nin paputok sa pagsabat sa Bagong Taon asin imbes an maggamit na sana nin mga alternatibong pamparibok.
