Nagtao nin pahayag si Akbayan Rep. Chel Diokno makalihis na pangaranan an mga opisyal na naambunan soboot kan porsiyento gikan sa mga proyekto ninda Curlee asin Sarah Discaya.
Sigun ki Curlee Discaya, saro sa mga may kansadiri kan St. Gerrard Construction Gen. Contractor & Development Corp. asin Alpha & Omega General Contractor & Development Corp. igwang mga opisyal soboot gikan sa Department of Public Works and Highways (DPWH) na nagrani sa sainda tanganing kuohon an parte sa proyekto.
Kaya sa latest facebook post ni Diokno kan nakalihis na Lunes, Setyembre 8, pig-angat kaini an mga opisyal na nadawit na magluwas nin Statement of Assets, Liabilities, and Net Worth (SALN), asin nagpirma nin waiver sa bank secrecy.
Dugang pa kaini, pig-enkaminar pa ni Diokno an ibang mga kontratista asin opisyales na maglantad asin isiwalat an saindang naararaman dapit sa mga iregularidad.
Sigun pa sa kongresista, mahihiling soboot sa pagkakataong ini na dae basta-basta natatapos an korapsiyon sa sarong administrasyon.
Pahabol pa kaini na dapat manimbag an nasa likod kaini kaibahan an saindang kasabwal, asin dae soboot ini matugot na igwang makalusot.
Marurumdumang kaibahan an duwang kompaniya kan mag-agom na Discaya sa listahan kan top 15 contractors companies na nagpaldo sa flood control projects kan gobyerno.
